食得酞咸 胃气胀风险大增27% 尤其係男士

肠胃问题係好多现代人都共同拥有嘅风土病，唔多唔少大家都会有胃气胀呢个情况，有时可能食得太饱，有时係食得太油，不过也有人长期都胃气胀，经常肚胀有胃气，成日畀人听到，都几尴尬！最近一项研究就指出，原来胃气胀其中一个原因係一直无乜人知，就係食得太咸！

美国医学期刊《American Journal of Gastroenterology》（美国肠胃病学期刊）近日一项研究，发现高盐高钠嘅食物，係会令胃气增加27%！研究人员指出，钠会喺肠道影响水分吸收，同时令肠道细菌增生硫化物。同时间，原来好多时，大家都会自觉咁吸收容易增生胃气嘅食物，例如粟粉、蒜、洋葱等调味料，大家都未必会留意自己食咗几多，特别係浓味食物中就有更多嘅调味料。研究人员指出，唔好以为胃气胀只係普通不适，其实好多其他医学研究已经指明，胃气係肠癌、胃癌嘅癥兆，绝对唔可以睇轻。今日开始，尽量少食咁多咸同浓味食物，唔好吸收太多钠啦！