四种超有害食物 每日食4份死亡率高62%
饮食同人体健康有密不可分嘅关係，大家都知食物对健康好重要，正当现代人个个都话要追求食得健康，其实有好多「超有害」食物大家每日都会接触到，而佢哋嘅祸害比大家想像中要大得多！
根据《英国医学期刊》，西班牙一项研究，追纵2万位成年人，长达15年。发现食咗过份加工嘅食物嘅人，死亡率高出好多。至于咩为止「过份加工」？原来就包括普通嘅工厂制造麵包、零食如薯片、公仔麵、落咗盐或防腐嘅肉制品；呢几类都係属于「过份加工」，研究指出，每日食1次呢类食物，死亡率已经比唔食嘅人高18%；如果一日食4份，死亡率高达62%！呢几类食物由于加入好多化学物、添加剂等，会导致身体出现多种问题，例如癌症、高血压、肥胖等。其实对于繁忙非常嘅香港人，一日点都会食到1至2份，例如早餐是旦买个麵包、正餐赶时间食个公仔麵，都未计好多人食快餐例如老麦呢啲；加埋夜晚睇电视食下薯片，咁计下计下，好似一日食3至4份都唔出奇！
