盂兰节就到！香港四大铁路都市传说你听过未？

嚟紧星期三就係盂兰节，有啲咩禁忌相信大家最近都听唔少，小编就同大家应下节，讲下有关香港嘅都市传说，以下呢四个无独有偶，都同铁路有关，极具本土色彩，唔知大家听过未呢？

都市传说一：九广铁路闹鬼广告

喺1993年，九广铁路推出一个几位小朋友搭住膊头、看似气氛欢乐嘅广告，去到广告尾段，忽然多咗一个面无血色的女孩，嘴角疑似有血丝，随后闹鬼传言越演越烈，有传呢班小朋友拍完呢辑广告后离奇死亡，到最后九广铁路不得不抽起呢辑广告。虽然事后有人查证并非事实，只係剪接效果，但睇到呢个广告嘅气氛同背景音乐都异常诡异，再睇返都有啲心寒！

都市传说二：油麻地「少女」跳轨

事件发生喺1981年某日下午，一名地铁司机架驶着一列由中环开出嘅列车，驶达油麻地站时，突然一名少女从月台跳落路轨，司机见到立即煞掣，并且通知月台职员报警，但消防员到场后，搵遍成条路轨，都发现唔到任何死伤者，甚至连丁点血迹都冇，当年也有报纸报导呢单奇案。据说当时列车司机感觉到车头嘅车轮辗过一个人， 去到今日，都仲未有人解释到发生咩事⋯⋯

都市传说三：彩虹站铁轨通往鬼门关

喺最初兴建港铁彩虹站中时，原本一共有三条路轨，传闻喺兴建期间，无意中开通咗前往鬼门关之门，因为咁，列车常常会发生意外事故，也有职员曾经死亡，最后只好关闭，只用两条铁路通车。及后，有人解释，中间嘅铁路晚上係让列车需要维修或回厂时使用，是真是假真係无人得知，至今仍然为彩虹站添上一份神秘色彩。

都市传说四：中大辫子姑娘

据说多年前，有位扎辫子嘅姑娘偷渡来港，喺中文大学附近跳车时，因辫子过长被铁路上缠绊着，挣脱不开了，头发连头皮被硬生生地扯开惨死。后来传说呢位辫子姑娘，依然喺中文大学附近到处徘徊，有时候仲会出现，问经过嘅学生依家几点，当辫子姑娘转身时，会发现佢嘅正面只有一条辫子⋯⋯今时今日，该段路被叫作「一条辫路」。

图片来源：ViuTV

更多相关文章：

让手腕绽放夏日色彩 香港率先抢Rado(雷达) X Les Couleurs™限量腕表

【准新娘必读】婚前28天养成透亮肌

【夏日消暑提案】叹住啤酒行市集 齐撑本土手作

「心灵超市」、「爱情实验室」！8月闺密必去这个展览赶走负面情绪

减肥餐单也要够营养！推介超方便Meal Plan 外食都能快速瘦

Follow she.com on Facebook & Instagram